تاند:( سې شنبه، د حمل لومړۍ) د خوست طالب چارواکي وایي، چې د دغه ولایت په علیشیرو, تریزیو او نادرشاه کوټ ولسوالیو کې د ۲۴ ميليونو او ٩٠٠ زره افغانیو په لګښت درې استنادي دېوال جوړ او ګټې اخیستنې ته وسپارل شول.
د یادو پروژو د پرانیستلو پرمهال د پلې کوونکې افغان پراختیايي موسسې د ساختماني چارو مسوول خان محمد طوطاخېل وویل، چې دغه دېوالونه د ٢٧٠ مترو په اوږدوالي د خوړو نړیوال پروګرام په مالي ملاتړ د ۲۴ ميليونو او ٩٠٠ زره افغانیو په لګښت جوړ شوي دي.
د ځایي چارواکو د معلوماتو له مخې، د یادو پروژو چارې د ٣ میاشتو په موده کې بشپړې شوې دي.