چهارشنبه, جون 7, 2023
Homeخبرونهاقتصادي خبرونهد ملا برادر په مشرۍ اقتصادي کمیسون بېلابېلې پریکړې کړي

د ملا برادر په مشرۍ اقتصادي کمیسون بېلابېلې پریکړې کړي

تاند:( یکشنبه، د کب ۲۸)  ‏ د طالبانو د ریاست ‌الوزراء د اقتصادي مرستیال ملا عبدالغني برادر اخوند په مشرۍ د دوی اقتصادي کمېسیون په خپله غونډه کې بېلابېلې پریکړې کړي دي.

د هغه د دفتر په خبرپاڼه کې راغلي:((په غونډه کې پرېکړه وشوه چې د ریاست الوزراء اقتصادي معاونیت دې د مالیې وزارت او نورو اړوندو ادارو سره کار وکړي او د افغانستان برېښنا شرکت لخوا د وړاندیز شویو پروژو(له شبرغان تر الوان دښتې او له الوان دښتې څخه د کابل تر ارغندۍ پورې د ۵۰۰ کیلو ولټه برېښنا لېږد مزي او په الوان دښته او ارغندۍ کې د سب سټېشن) د پاتې کارونو د بشپړېدو لپاره د تمویل سرچینې وڅېړي او خپلې موندنې دې د اجراآتو په موخه د لسو ورځو په موده کې اقتصادي معاونیت ته وړاندې کړي څو له هغه وروسته یې په بېړنۍ توګه چارې پیل او تر راتلونکي ژمي بشپړې شي. ))

سرچینه زیاتوي، همدارنګه د ریاست الوزراء اقتصادي معاونیت د استازي په ګډون، له اقتصاد،کور او ښار جوړولو، اطلاعات او فرهنګ وزارتونو، ملي پراختیا شرکت او کابل ښاروالۍ څخه جوړې شوې کمېټې ته دنده وسپارل شوه چې د ښاري طراحي اصولو ته په کتو دې د کابل ښار په لومړۍ ناحیه کې له چوک څخه تر پښتون مارکېټ پورې اړونده ځمکې بېلابېل اړخونه وڅېړي او خپل راپور دې د وروستي تصمیم په موخه، اقتصادي کمېسیون ته وړاندې کړي.

په دې غونډه کې، همدا ډول پرېکړه وشوه چې د کندوز ولایت په امام صاحب ولسوالۍ کې د (۱۰۰۰) جریبه شاړې ځمکې اړوند دې د کرنې، اوبو لګولو او مالدارۍ وزارت په مشرۍ له اوبو او انرژۍ، صنعت او سوداګرۍ وزارتونو څخه جوړه شوې کمېټه دې له یادې سیمې څخه لیدنه وکړي، د خلکو غوښتنو ته په کتو دې  د قضیې اړخونه وڅېړي او د ځمکې اجارې، د قرارداد مودې په اړه دې خپل نظرونه له اقتصادي کمېسیون سره شریک کړي.

د غونډې په پای کې د بلخ ولایت د (۸) انکشافي شوراګانو حسابونو په اړه ټاکل شوې کمېټې ته دنده وسپارل شوه چې په وزارتونو او نورو ارګانونو کې د یادو شوراګانو طلباتو او تضمیناتو د ورکړې او له دغو شوراګانو سره د دولت د پاتې اجناسو په برخه کې د اجراآت ترسره کړي.

1 COMMENT

  1. TO MULLAH SAHIB BRATHER; ;ASSALAMOALIKUM WA RAKHMATULLAH WA BARAKATUHU
    PLEASE DON,T FORGET KUNER RIVER
    NANGARHAR &KUNER PROVINCE
    CLOSE WATER AND BUILD A PROJECT ON KUNER RIVER,BUILD GUMBIEERY DAAG FOR AGRICULTURE,
    MUST FALLOW ALL PLAN OF NAKAMURA, JAPANY
    NANGARHAR& KUNER ARE TWO STATE WHICH NEED TO BUILDUP.
    MANANAH

LEAVE A REPLY

Please enter your comment!
Please enter your name here

- Advertisment -

ادب