تاند- له نن څخه 23 کاله پخوا د ۲۰۰۳ د مارچ په ۱۹ مه امریکا د هماغه مهال ولسمشر جورج ډبلیو بوش پر بغداد د حملو امر وکړ او په دې پلمه یې عراق سخت ویجاړ کړ چې ګواکي دا هیواد د ډله ییزې وژنې وسلې لري.
د ۲۰۰۲ کال د اکتوبر په ۱۱ مه د امریکا کانګریس په لوی اکثریت یوه لایحه تصویب کړه چې ولسمشر جورج ډبلیو بوش ته یې پراخ واک ورکاوه چې د عراق پر ضد له قوې کار واخلي.
له امریکا سره په دې جګړه کې بریتانیا او یو شمېر نور لوېدیځ هیوادونه هم ملګري وو.
د امریکا د دې یرغل په نتیجه کې د صدام حسین دیکتاتوري رژیم وپرزېد خو په عراق کې نظم او امنیت له منځه لاړ، د عراقیانو ډیرې شتمنۍ تباه شوې او دا هیواد نژدې یوه لسیزه د جګړې په سور اور کې وسوځېد. لا هم عراق په بشپړ ډول د امریکا د یرغل په نتیجه کې د رامنځته شوې ناامنۍ له شره بشپړ خلاص شوی نه دی خو د امریکا یرغل عراقیان د صدام حسین له بې رحمه رژیمه خلاص کړل.
صدام حسین د ۱۹۳۷ کال د اپریل په ۲۷ د تکریت په العوجه کلې کې په یوه شپنه کورنۍ کې زېږېدلی، له ۱۹۷۹ تر ۲۰۰۳ پورې د عراق ولسمشر و.
دی د بعث ګوند یو مهم غړی و او د دغه ګوند له لوري د ۱۹۶۸ کال په کودتا کې یې کلیدي رول درلود.
صدام حسین، چې د امریکا له حملې وروسته پټ و، د ۲۰۰۳ د دسمبر په ۱۳مه په یوه کور کې ونیول شو.
د ۲۰۰۶ کال د دسمبر په دېرشمه، چې د لوی اختر ورځ وه، په بغداد کې په دار وځړول شو.
امریکا پر عراق له یرغله وروسته په دغه هیواد کې د ډله ییزې وژنې وسلې ونه موندلې.
د صدام حسین دیکتاتوري رژیم به منصفانه نه وی بلکه د بوش دیکتاتوري رژیم چه په عراق یی د خپل شوم پلان په اساس تیری او یرغل وکړو. نه یی بیولوژیکی او نه یی نوری وسلې پیدا کړی. د عراق خلک او ملک یی تباه او حکومت یی شیعه ګانو ته وسپاره.
دا به هم مناسبه نه وی چه: عراقیان د صدام حسین له بې رحمه رژیمه خلاص کړل.
بلکه بی رحمه امریکا او بوش داسی دسیسی او پلانونه جوړ کړه، چه عراقی ولسونه یی د ابوغریب په زندان کی په بی رحمي شکنجه او حتی د دوی د وحشی سپیو په ذریعه یی بندیان وداړل.
همداسی د عراق په ښځو او ماشومانو بی رحمه ظلمونه………!