جمعه, مارچ 29, 2024
Homeخبرونهبلخ کې د داعش پر ضد د درېيو عملياتو خبر ورکړل شوی

بلخ کې د داعش پر ضد د درېيو عملياتو خبر ورکړل شوی

تاند: ( شنبه، د کب ۲۷ مه) ‏په شمال کې د داعش د حضور د زياتوالي له راپورونو سره هم مهاله، د طالبانو چارواکو تېره شپه د دغې ډلې پر ضد په مزار شريف کې د درېيو عملياتو خبر ورکړی.

د طالبانو عمومي ویاند ذبیح الله مجاهد ویلي، چې دغه جګړې د مزار شريف ښار په پینځمه، شپږمه او اتمه ناحیه کې شوي دي.

هغه له نورو جزيياتو پرته د ګڼو داعشیانو د وژلو ادعا کړې او د يوه طالب د ټپي کیدو خبر ېې ورکړی.

ځايي خلکو رسنيو ته ويلي، چې په درې واړو جګړو کې داعش ډلې د طالبانو د ډلې پر وړاندې په ساعتونو جګړه کړې او دواړو لوريو ته تلفات اوښتي دي.

طالبان، معمولا د خپلو جنګیالیو د مرګ ژوبلې د ارقامو په پټولو تورنیږي.

 په شاوخوا تېرو دوه اونيو کې داعش ډلې د بلخ ولايت مقام کې د طالبانو پر والي ملا داود مزمل د ځانمرګي برید او په تبیان فرهنګي مرکز کې پر خبریالانو د چاودنې مسوولیت پر غاړه اخیستی.

LEAVE A REPLY

Please enter your comment!
Please enter your name here

- Advertisment -

ادب