تاند:( جمعه، د کب ۲۶) د زابل لپاره د طالبانو ولایتي ادارې، په دغه ولایت کې د یوې بې پیلوټې الوتکې د سقوط اوازې رد کړې.
پرون په ټولنيزو رسنیو کې یوه ویډیو خپره او ادعا وشوه، چې دغه الوتکه په زابل ولایت کې نسکوره شوې ده.
د طالبانو ولایتي ادارې په یوه خبرپاڼه کې ویلي، چې دغه خبر واقعیت نه لري.
په وروستیو کې طالب چارواکي وخت په وخت شکایت کوي، چې امریکایي بې پيلوټه الوتکې د افغانستان په فضا کې ګرځي او هوایي حریم نقضوي.
دا په داسې حال کې ده، چې دوی بیرته ډېر وخت په افغانستان کې د بې پيلوټه الوتکو ګزمې بې بنسټه بولي.