پنجشنبه, مارچ 28, 2024
Homeخبرونهامریکا: داعش تر ۶ میاشتو له افغانستانه برید را باندې کولای شي

امریکا: داعش تر ۶ میاشتو له افغانستانه برید را باندې کولای شي

تاند:( جمعه، د کب ۲۶)  د امریکا د مرکزي قوماندانۍ یا سینټکام عمومي قوماندان جنرال مایکل کوریلا (Michael Kurilla) وايي، داعش ډله به ښايي په ۶ میاشتو کې د دې جوګه شي چې له افغانستانه دباندې د امریکا او د متحدو ایالتونو پر لوېدیځو متحدانو بریدونه وکړي.

نوموړي پرون (پنجشنبه) د خپل هیواد د سناجرګې د وسله والو خدماتو کمېټې ته د سوال اوځواب (استماعیه) په غونډه کې د دې پوښتنې په ځواب کې دا خبره وکړه.

د دغه لوړپوړي امریکایي قومندان په وینا، دوی د داعش د خراسان څانګې د حملو د مخنیوي لپاره له بهره په افغانستان کې د دې ډلې پر ضد د عملیاتو لپاره د مالي ملاتړ غوښتنه کوي.

امریکایي چارواکو د طالبانو د بیا واکمنیدو له پيله پرله پسې ورته خبرداری ورکاوه، خو تراوسه داعش ډلې عملاً امریکا ته د افغانستان له خاورې داسې کوم ګواښ نه دی رامنځته کړی.

د طالبانو رژیم بیا په دې اړه اندیښنه بې بنسټه بولي او ادعا کوي، چې د افغانستان له خاورې هیچا ته ګواښ نه پېښيږي.

1 COMMENT

  1. د امریکائی چارواکو دا ډول څرګندوَنی په حقیقت کی د ټولو نړیوالو شعور ته دروند سپکاوی ګڼل کیږی او فقط یو څو معدود شمیر فکری – عقیدتی انتحاریانو ( د امریکی مرئیانو او غلامانو) ته دا ډول سناریو د منلو وړ ده.

LEAVE A REPLY

Please enter your comment!
Please enter your name here

- Advertisment -

ادب