تاند:( پنج شنبه، د کب ۲۵) د ننګرهار ولايت مرکز جلال اباد ښار اوومې ناحيې مربوطاتو کې د امنې قوماندانۍ منسوبينو دوو تنو سره په يو ډاټسن موټر کې ۱۹ ډوله قيمتي ډبرې چې له نورستان ولايت څخه يې په قاچاقي ډول راوړې وې ونيولې.
د طالبانو ځايي امنیتي چارواکي وایي، چې نيول شويو کسانو په خپلو جرمونو اعتراف کړی.
د دوی په وینا، یاد شوي کسان به د نورو اجراتو په موخه عدلي او قضايي ارګانونو ته ور وپيژندل شي.
د طالبانو له بیا واکمنیدو سره په نامسوولانه ډول د افغان کانونو د استخراج او قاچاق ادعاوې زیاتې شوی، خو طالبان په دې اړه د جدي اقداماتو خبر ورکوي.
د دوی د کانونو او پټرولیم وزیر شېخ شهاب الدین دلاور څه موده مخکې ومنله، چې د قیمتي ډبرو او کانونو مافیا لا هم په پراخه کچه موجوده ده، خو په ختمولو یې ټینګار وکړ.
دغه یې جهاد کړئ باید بې محکمې دغه ناموس پلورنکي مردار کړي 😡