تاند:( دوشنبه، د کب ۲۲) د هلمند په مرکز لښکرګاه ښار کې د وادي هلمند د لوړو زده کړو مؤسسې له معالجوي طب، شرعیاتو، حقوق او سیاسي علومو پوهنځیو څخه ۱۰۷ تنه زده کړیالان شول.
د دغه پوهنتون مسوولین وایي، چې تراوسه یې ټول ۲۰۷۸ تنه فارغان وړاندې کړي.
سرچینه وایي، چې په تازه فراغت غونډه کې د معالجوي طب پوهنځۍ څخه ۵۴ زده کړیالان، شرعیاتو پوهنځۍ څخه ۳۵ تنه او حقوق او سیاسي علومو پوهنځي څخه ۱۸ تنه فارغ شول.
دا په داسې حال کې ده، چې د طالبانو له بیا واکمنیدو سره د افغانستان یوه د پام وړ برخه خصوصي پوهنتونونه سقوط شوي او محصلانو یې د اقتصادي ستونزو له امله زده کړې پریښي دي.