تاند:( یکشنبه، د کب ۲۱) په زابل ولایت کې دوو ترافیکي پیښو له امله ۱۳ تنه ټپيان شول.
ځایي سرچینو ویلي، چې یوه پېښه د کندهار – کابل پر لویه لاره د زابل ولایت اړوند په جلدک سیمه کې د یوه ۴۰۴ بس موټر د چپه کیدو له امله رامنځته شوې او ۱۰ تنه پکې ټپيان دي.
بله پېښه د زابل د سیوري ولسوالۍ د میرا خور په سیمه کې د یوه فوربکس موټر د چپه کیدو له امله رامنځته شوې، چې ۳ تنه پکې ټپيان شوي دي.
د زابل لپاره د طالبانو امنیې قومندانۍ یادې پېښې او ځاني زیانونه تایید کړي، خو نور جزیات یې نه دي ورکړي.
د کابل- کندهار لویه لاره د هېواد له هغو لویو لارو څخه ده، چې ډېرځله ورته ترافیکي پېښې او ځاني زیانونه پکې رامنځته کیږي.