تاند:( یکشنبه، د کب ۲۱) د هلمند مرکز لښکرګاه ښار کې نوي VIP ۵۸۰ ماډل مسافر وړونکو موټرو په فعالیت پیل وکړ.
ځايي چارواکي وایي دا ۵۸۰ VIP ماډل مسافر وړونکي موټرونه احمدشاه بابا ابدالي شرکت هلمند ته را وارد کړي چي د هلمند څخه کابل او کابل څخه هلمند ته مسافر وړي.
د یاد شرکت د هلمند څانګې مسئول عبدالهادي (هلمند) وویل چي دانوي تازه افغانستان ته وارد شوې موټرې دي چې ګڼ سهولتونه لري او مساپرین پکې په ارامه تګ راتګ کولای شي.
ځایي خلکو د دغو موټرو د فعالیت په پيل خوښي ښودلې او ویلي، چې نورو ټرانسپورتي اسانتیاوو ته هم اړتیا لري.