تاند:( چار شنبه، د کب ۱۷) طالبانو د رژیم د حج او اوقافو وزارت ویلي، چې د روژې د تراویح پر مهال کابل کې د قرآنکریم له ختم کوونکو قاریانو ازموینه اخلي.
دغه وزارت د کابل ښار له قاریانو، چې غواړي روژه کې د تراویح پر مهال د قرآنکریم ختمونه وکړي، غوښتنه کړې څو له دغه وزارت سره د ازموینې لپاره ځانونه ثبت کړي.
سرچینې ویلي، چې دغه ازموینه به د معهد عالی قرائت انسټیټیوټ له لوري واخیستل شي.
یو شمېر کابل ښاریانو د دې پریکړې هرکلی کړی او ویلي، چې ځینې قاریان د روژې د تراویح له ختمونو څخه تجارتي استفاده کوي.
قاریانو په دې اړه غبرګون نه دی ښودلی.