تاند:( شنبه، د کب ۱۳) د افغانستان لپاره د امریکا متحده ایالاتو ځانګړي استازي د طالبانو د ادارې هغه ادعاوې رد کړي، چې ګواکې امریکا له نړیوالې ټولنې سره د دوی د تعامل پر وړاندې خنډ شوي دي.
ویسټ وايي، تر هغه چې کابل د ځینو مسایلو په اړه جدي پرېکړې ونهکړي، د ملګرو ملتونو او امریکا په ګډون ډېری هېوادونه طالبانو ته د افغانستان د څوکۍ د سپارلو په څېر پر مسلو خبرې نهشي کولای.
هغه زیاته کړه: “موږ نړۍ سره د اړیکو د عادي کولو لپاره د طالبانو د پام وړ ګامونه نه دي لیدلي..”
د افغانستان لپاره د امریکا ځانګړی استازی وایی، له خپلو ټولو اندېښنو سره واشنګټن غواړی له کابل سره اړیکې ټینګې کړي.
هغه له طالبانو سره د خپلو مخکینیو لیدنو په دوام د نورو لیدنو خبر هم ورکړ، خو ورڅخه یې وغوښتل چې د عملي تعامل لپاره باید طالبان د نړیوالو غوښتنو ته غاړه کیږدي.
د ویسټ څرګندونې په داسې حال کې دي، چې د طالبانو د ادارې ویاند ذبیح الله مجاهد او یو شمېر طالب چارواکو امریکا له طالبانو سره د نړیوال تعامل په خنډ کیدو تورنه کړه.