تاند: ( دوشنبه، د حوت ۸ ) د فراه لپاره د طالبانو سیمه ییز مسوولين وایي، چې د دغه ولایت د شیخ ابونصر فراهي بندر له لارې ۲۴ ټانکره تیل بېرته ایران ته مسترد شول.
د دغه ولایت د سیمه ییزو مسوولينو په وینا، د شیخ ابونصر فراهي بندر له لارې ۲۴ ټانکره، هغه تېل، چې د ستندرد ملي ادارې د نورم سره برابر نه وو، د یاد بندر د کمیسار مولوي سید احمد ساجد، د ګمرک ریاست، استخباراتو، نفتو او ګازو د مسوولینو په ګډون له لوري بېرته ایران ته مسترد شول.
طالب چارواکي وایي، چې له بیا واکمنیدو سره یې هېواد ته د هر ډول بي کیفیته خوارکي او غیر خوراکي توکو د راوړلو مخه نیوله شوې ده.
خلک د طالبانو ورته اقدامات ستایي، خو ورسره تور لګوي چې د طالبانو د یو شمېر مشرانو د کورنۍ غړي د بې کیفیته تېلو په قراردادونو کې شریک دي.
طالب چارواکو تراوسه نه ده روښانه کړې، چې د بې کیفیته تېلو راوړونکي څوک دي او دوی څه ورسره کړي دي.