تاند: (جمعه، د کب ۵ مه) د امریکا متحدوایالاتو د ګوانتانامو زندان دوه نور بندیان پاکستان ته سپارلي.
د دغه هېواد دفاع وزارت یا پنټاګون پرون په یوه اعلامیه کې وویل، د عبدالرباني او محمدرباني په نوم دا دوه وروڼه په ۲۰۰۲ کال کې نیول شوي وو.
د پنټاګون د معلوماتو له مخې، عبدالرباني له القاعده شبکې سره د همکارۍ او ورور یې د دې ډلې یو مهم مهم مشر ته د مالي او سفري امکاناتو د برابرولو په تور نیول شوي وو.
د سرچينې د معلوماتو له مخې، د دې کسانو له سپارلو سره په ګوانتانامو زندان کې د پاتې بندیانو ټول شمېر ۳۲ ته راټیټ شو چې اتلس تنه نور یې هم د سپارلو وړ دي.
معلومه نه ده ده، چې د دغو بندیانو هویت د کوم هېواد اړوند دی، خو ګومان کېږي چې پاکستانيان به وي.
پاکستاني چارواکو په دې اړه څه نه دي ويلي.