یکشنبه, مې 26, 2024
Homeخبرونهجاپان: د افغان ځوانانو په مسلکي روزنه کې مرسته کوو

جاپان: د افغان ځوانانو په مسلکي روزنه کې مرسته کوو

تاند: ( چارشنبه، د حوت ۳ )  د طالبانو د ریاست الوزرا اداري مرستیال مولوي عبدالسلام حنفي په افغانستان کې د جاپان سفیر تاکاشي اوکاتا سره په خپل کاري دفتر کې وکتل.

مولوي حنفي په دې لیدنه کې وویل، د افغانستان حکومت او ملت د تاریخ په اوږدو کې د جاپان ملت سره ښې اړیکې لرلې دي.

نوموړي په ننګرهار کې د کرنې او روغتیا په برخو کې د ډاکتر ناکامورا له کړنو څخه د مننې په ترڅ کې د افغانستان په نورو سیمو کې هم د هغه د ورته پروژو د تطبیق غوښتنه وکړه.

هغه د ظرفیت لوړولو او ټکنالوژۍ په برخو کې د جاپان د پانګونې مننه وکړه او وې ویل، دا چې په افغانستان کې د پانګونې او پراختیایي پروژو د تطبیق لپاره وضعیت برابر دی، هیله ده د جاپان پراختیایي اداره (جایکا) د نوي کابل ښار د ماسټرپلان  برنامه چې پخوا یې تر لاس لاندې وه، عملي کړي.

عبدالسلام حنفي زیاته کړه،د نشه یي توکو د کښت، قاچاق، تولید او استعمال مخنیوی شوی. اداري فساد صفر ته تقرب کړی او د کانونو او د هغو د رااېستلو په برخه کې د پانګونې شرایط، په بشپړ ډول چمتو دي او جاپان کولای شي په دې برخه کې پانګونه وکړي.

مولوي حنفي زیاته کړه،د نشه یي توکو د کښت، قاچاق، تولید او استعمال مخنیوی شوی. اداري فساد صفر ته تقرب کړی او د کانونو او د هغو د رااېستلو په برخه کې د پانګونې شرایط، په بشپړ ډول چمتو دي او جاپان کولای شي په دې برخه کې پانګونه وکړي.

د جاپان سفیر تاکاشي اوکاتا وویل په افغانستان کې په بېلابېلو لکه د امنیت، اداري فساد او نشه یي توکو سره د مبارزې په برخو کې ښه پرمختګونه شوي دي. په افغانستان کې د ځوان بشري ځواک ظرفیت زیات دی او موږ چمتو یوو چې د افغان ځوانانو د مسلکي روزنې په برخه کې همکاري وکړو.

هغه وویل: دا چې په افغانستان کې د نشه یي توکو کښت، قاچاق، تولید او استعمال کم شوی دی، جاپان په دې برخه کې خپلې مرستې له دوه میلیونه ډالرو څخه درې میلیونه ته زیاتې کړې دي.

د طالبانو د ریاست الوزرا اداري مرستیال د بدیل کښت او د معتادینو د درملنې په خاطر درې میلیون ډالرو ته د جاپان د مرستو د زیاتوالي د هرکلي پرمهال وویل د افغان ځوانانو د مسلکي روزنې په برخه کې د جاپان د چمتووالي قدرداني کوو.

نوموړي د خپلو خبرو په پای کې وویل، بین المللي ټولنه دې دجاپان په ګډون په افغانستان کې د پراختیایي پروژو د تطبیق په برخه کې مرستې زیاتې کړي، ترڅو افغان ځوانانو ته د اشتغال زمینه برابره او د هغوی د کډوالیو مخنیوی وشي.

طالب چارواکي له بیا واکمنیدو وروسته بیا- بیا بهرني دیپلوماتان او پانګوال هڅوي، چې په افغانستان کې خپل پانګوال پانګونې ته وبولي، خو د دوی د قناعت په ترلاسه کولو ډېر نه دي توانیدلي.

LEAVE A REPLY

Please enter your comment!
Please enter your name here

- Advertisment -

ادب