تاند: ( جمعه، د دلوې ۲۸مه ) د لغمان په قرغیو ولسوالۍ کې د پهلوانۍ هڅونکي سیالۍ شوي دي.
په يادو سياليو کي د قرغیو ولسوالۍ سربیره د مرکز مهترلام او ننګرهار ولایت څخه ګڼو ورزشکارانو برخه اخيستي وه.
په دغو سیالیو کې قرغیو ولسوالۍ لومړی، مرکز مهترلام دویم او د ننګرهار ولایت ورزشکارانو درېيم مقام خپل کړی.
لغمان کې د پهلوانۍ د دغو سیالیو نندارې ته سلګونه تنه را ټول شوي وو.
په لغمان کې تر ډېره د والیبال سیالۍ دود دي، خو ورسره د نورو لوبو سیالۍ هم وخت په وخت ترسره کیږي.