تاند:( شنبه، د دلوې پینځلسمه) په بلخ کې د طالبانو ځايي چارواکو تاييد کړه، چې تېره شپه د يوې کورنۍ ۷ غړي په مرموز ډول په دې ولايت کې وژل شوي دي.
د بلخ د امنیې قومندانۍ لپاره د طالبانو ویاند محمد آصف وزيري ويلي، چې دغه کسان د چمتال ولسوالۍ په “جرقلعه” کلي کې وژل شوي.
وزيري وايي، چې د پېښې د عاملینو د نیولو لپاره هڅې روانې دي.
په دې اړه نور جزییات نه دي ورکړل شوي.
د طالبانو له واکمنيدو وروسته، د داسې پېښو د زیاتېدو خبرونه ورکول کېږي.