تاند:( چار شنبه، د دلوې دولسمه) د هوا پېژندنې ادارې د پنج شنبې او جمعې پر ورځو په ۱۲ ولايتونو کې د سختو ورښتونو وړاندوينه کړې ده.
دغې ادارې په يوه اعلاميه کې ويلي، چې ياد شوي ورښتونه په بدخشان، میدان وردګ، بامیان، دایکندي، غور، سرپل، بلخ، جورجان، فاریاب، بادغیس، فراه او هرات ولایتونو کې اټکل شوي دي.
سرچینه زیاتوي، په ځینو ولایتونو کې به واورې او ځینو نورو کې بارانونه وشي.
دا په داسې حال کې ده، چې د ورښتونو، سړې هوا او طبیعي پېښو څخه اغېزمن خلک د سختو ستونزو يادونه کوي او له نړیوالو مرستندویانو څخه د عاجلو مرستو غوښتنه کوي.