تاند:( دوشنبه، د دلوې لسمه) د کندهار په معروف ولسوالۍ کې ځايي چارواکو په بېساري ډول د زیاتې واورې خبر ورکړی.
د کندهار لپاره د طالبانو د والي دفتر ویلي، چې د معروف ولسوالۍ اړوند د علی جرګې سيمه کې تر ۲۰ سانتي متره پورې واوره وریدلې ده.
ياد شوي دفتر ويلي:«دا واوره د نورو کلونو په پرتله بې سارې ده؛ د ژمي په دې موسم کي واوري او بارانونه د يوه آباد او سمسور کال زیری لري.»
دا په داسې حال کې ده، چې د دې سیمې اوسیدونکي هم د نورو افغانانو په شان په ژمي کې د اقتصادي او نورو ستونزو د زیاتیدو شکایت کوي او ورسره د عاجلو مرستو غوښتنه کوي.