یکشنبه, مې 19, 2024
Homeخبرونهد ایکو غونډه؛ ط-ان پکې نه وو، د ټول ګډونه حکومت غوښتنه...

د ایکو غونډه؛ ط-ان پکې نه وو، د ټول ګډونه حکومت غوښتنه ورڅخه وشوه

تاند:( پنجشنبه، د دلوې شپږمه)‏ د سیمه ییزو اقتصادي همکاریو د سازمان ( ایکو) ۲۶ مه غونډه ق ازبکستان په پلازمېنه تاشکند کې تر سره او په افغانستان کې ېې د ټول ګډونه حکومت غوښتنه وکړه.

په دې غونډه کې د سازمان د غړو هېوادونو د بهرنیو چارو وزيرانو ګډون کړی و.

د افغانستان حاکم رژیم، چې نړیوال ېې په رسميت نه پيژني، په غونډه کې

 نه و بلل شوی.

راپورونه وايي، چې د ابکو سازمان د بهرنیو چارو وزیرانو د سږنۍ غونډې پر مهال په افغانستان کې د ټول‌شموله حکومت پر جوړولو او د افغانستان له لارې د ازبکستان‌ـ‌‌پېښور ترمنځ د اورګاډي پټلۍ پروژې په اړه بحث شوی دی.

د طالبانو د اقتصاد وزارت ویاند عبدالرحمان حبیب وايي، د سیاسي ستونزو له کبله افغانستان ته په دې غونډه کې د ګډون بلنه نه‌ده ورکړل شوې، خو هېواد کې د اقتصادي پروژو پلي کېدو ته اسانتیاوې برابرې شوې دي.

د هغه په وینا، د طالبانو اداره د هغو پروژو د امنیت ټینګښت ته چمتو ده، چې له افغانستانه تېرېږي.

طالبانو د ایکو سازمان د غوښتنې په اړه څه نه دي ويلي، خو د ټول ګډونه حکومت او په افغانستان کې بشري او ښځينه حقونو د تامين په اړه ېې د نړیوالو نورې غوښتنې په خپلو چارو کې لاسوهنې ګڼلي دي.

LEAVE A REPLY

Please enter your comment!
Please enter your name here

- Advertisment -

ادب