تاند:( سې شنبه، د دلوې څلورمه) د پښتونخوا ملت پالو مبارزینو د کراچۍ د ترهګرۍ ضدې محکمې له لوري د فعال پښتون ځوان نقيب مسيد د وژونکو په بښلو سخت قهریدلي.
د مسید کورنۍ او د پښتون ژغورنې غورځنګ مشران وايي، چې د کراچۍ د محکمې دا پریکړه به د پاکستان په ستره محکمه کې وننګوي.
د کراچۍ محکمې د پاکستاني پولیس افسر راو انوار په ګډون هغه نور پوليس بښلي، چې د نقيب مسید په وژلو تورن وو.
نقيب مسيد او هغه سره درې نور کسان د کال 2018 د جنورۍ په 13 نېټه د کراچۍ په شاه لطيف ټاون سيمه کې د پاکستاني پولیسو له لوري ووژل شول، چې په غبرګون کې ېې پښتنو ملتپالو پرله پسې لاریونونه وکړل او د پښتون ژغورنې غورځنګ ېې رامنځته کړ.
د نقيب مسید د وژلو اصلي تورن پولیس راو انوار د امریکا د حکومت په یوه راپور کې د ۴۰۰ تنو په وژلو کې په لاس لرلو تورن دی.
قهر او غوسه کوم ځای نه نیسی ټوپک ته لاس کړی والا که تر قیامته په قهر دا وطن خپل کړی