ددې بیهوده او فضولو خلکو ایتلاف د افغانانو نمایندګي نکوي. دا ټول هغه مرتجع او فاسد اشخاص دي چې تابعتونه د نورو هیوادو لري او سرمایګزاري هم په نورو هیوادو کې کوي مګر چور چپاول او د غلا دپاره بیا ځان افغان ګڼي خو ددوی د افغانیت هدف د افغانانو او افغانستان تباهي او خرڅول دي. دا اکثره د نورو هیوادو جاسوسان او د شیطانو هیوادو مختورن کسان دي.

سلیمان ورور ته سلامونه وړاندې کوم.
د ټولو مهاجرو افغانانو په هکله چې په خارج کې ژوند کوي باید یو ډول قضاوت ونکړو ځکه چې ټول به له یوې مخې د پردیو جاسوسان نه وي .
وطن لکه خپله مور داسې ده ، که هرڅومره لرې وې ، بیاهم خپل اصلي وطن او ټاټوبی انسان ته ګران وي . البته د هېواد په داخل او یا خارج کې ډېر داسې افغانان شته چې د نورو هېوادونو له خوا د جاسوسانو په حیث استخدام شویدي او متآسفانه په هرقوم ، سمت او ژبې پورې اړوندو ډلو کې داسې کسان پیدا کیږي چې په پټه او یا علني هغوی ته کار کوي خصوصا په ګاونډیو هېوادونو کې چې د پردیو د استخباراتو له خوا استخدام شو ی دي ، ډېر داسې موارد لیدل کیږي .
د سولې او خپلواکۍ د ملي نهضت په هکله باید داسې قاطع نظر ورنکړو چې حتما به دوی هم د نورو اسلامي ګوندونو په شان وي چې په پاکستان او ایران کې جوړ شوی دي. کوم کسان چې د دې نهضت په رآس او رهبرې کې درېدلي دي ، ټول پاک ، افغانستان ته متعهد او د ښو نومونو درلودونکي دي . لاتر اوسه د دوی د خیانت په هکله ما څه نه دي اورېدلي .
احیانا د طالبانو دا مبهمه او بې سنجشه ، ځانغوښتونکې دیکتاتوري که یوه ورځ له منځه ځي ، لږ تر لږه د جنګسالارانو ، قومي بېلتون غوښتونکو ، د ژبنې او قومي برتري غوښتونکو، فرصت طلبو او فاشیستانو په مقابل کې باید د ملي ، افغاني څهرو او داسې حرکتونویا نهضتونو موجودیت چې د هیواد ملي حاکمیت ، مځکني تمامیت او اسلامي ، افغاني کلتور او قوانینو ته متعهد وي ، د ټول هېواد راتلونکي لپاره غنیمت دی.