تاند:( یکشنبه، د دلوې دویمه) راپورونه وايي، چې په کابل کې د افغانستان د يوه تر ټولو مشهور خصوصي روغتون او کمپلیکس ( اميري) څښتن او رييس حاجي نجيب په کابل کې نا څرګندو وسله والو تښتولی دی.
د پکتیا پخوانی والي محمد حليم فدايي وايي:« ماته دقیقو منابعو وویل چې د امیری روغتون او کمپلکس رئیس حاجی نجیب نن سهار کابل کې طالبانو اختطاف کړیدی. دی یې پخوا هم څو ځلې استخباراتو ته ورغوښتی دی. د طالبانو له لورې دا ډول اختطافونه مطلق د پیسو او شکونې لپاره کېږې.»
طالبانو په دې اړه څه نه دي ويلي.
بل لور ته: له کندوز ولايت څخه راپورونه څرګندوي، چې ناپېژاندو وسلهوالو د غلامحسین عنایت په نوم يو سوداګر وژلی.
د نوموړي د کورنۍ غړي وايي، چې دغه سوداګر پرون ناوخته داسې مهال په نښه شو، چې له کندز څخه د کابل پر لور روان و.
دا په تېرو څو ورځو کې د هېواد په شمال کې دويم سوداګر شو، چې د ناپېژاندو وسلهوالو لخوا وژل کېږي.
څو ورځې مخکې په بغلان کې د یوه سوداګر د وژل کیدو خبر هم ورکړل شوی و.