داودجبارخیل
د مصر اقتصادي وضعیت تر دې حده خراب شوی چې حکومت له خپلو خلکو غوښتي چې د غوښې پر ځای د چرګانو پښې وخوري.
د CNN تلویزیون د راپور له مخې، مصر د اسعارو له بحران او په پنځو کلونو کې تر ټولو بد انفلاسیون سره مخامخ دی. له همدې امله د خوراکي توکو بيې دومره لوړې شوې چې ډېری مصريان د چرګانو غوښه نه شي خوړلای.
د مصر د رسمي رسنیو د معلوماتو له مخې، په ۲۰۲۱ کال کې د چرګ یو کیلو غوښه ۱.۹ ډالره وه، خو اوس یو کیلوګرام ۲،۳۶ ډالرو ته لوړه شوې ده. له همدې امله د تغذیې ملي ادارې له خلکو غوښتي چې د چرګانو پښې وخوري.
تیره میاشت د فیسبوک په یوه پوسټ کې، دې ادارې خلک وهڅول چې د چرګانو پښې او د غواوو پښې وخوري، “ایا تاسو د پروټین بډایه خواړه غواړئ چې ستاسو پر بودیجه فشار نه راولي؟”
ډیری مصریان د حکومت پر اعلان غوسه دي ځکه چې د چرګانو د پښو خوړل د خورا بېورلۍ نښه ده. د چرګانو پښې په مصر کې خورا ارزانه دي او عموماً یې څوک نه خوري بلکې ایسته یې غورځوي.
محمد الهاشمي چې په ټویټر کې څلور ملیونه پیروان لري وویل: “موږ د چرګانو د پنجو یا پښې د خوړلو دور ته ننوتلي یو، د مصر د پیسو (پونډ) ارزښت راټیټ شوی او موږ پور ورکوو.”
خو د حکومت دغه اعلان ته ډېرو خلکو غوږ نیولی دی. له دې اعلان وروسته د یو کیلو چرګ د پښې بیه دوه چنده شل مصري پونډو ته لوړه شوې ده.
چارواکي وايي، د مصر شاوخوا ۳۰ سلنه وګړي د فقر تر کرښې لاندې ژوند کوي.
په 2019 کې، نړیوال بانک وویل چې د مصر 60 سلنه نفوس یا بې وزله یا د بیوزلۍ تر کرښې لاندې دی.
د روسیې او اوکرایین د جګړې اقتصادي او همداراز کرونا اغیزې په مصر کې ډیرې احساسیږي. په مصر کې د بهرنیو اسعارو کمښت خطرناکې کچې ته رسېدلی دی. د بهرنیو اسعارو د کمښت له امله په بندرونو کې مالونه درول شوي دي. دغه حالت د انفلاسیون له زیاتوالي سره هم مخ دی.
د يادونې وړ ده، چې مصر په دې وروستيو کې د پيسو له نړيوال صندوق څخه درې ميليارده ډالره مرسته ترلاسه کړې ده.
په مصر کې د تیرې پنجشنبې په ورځ د چرګانو د بیو له لوړیدو وروسته، وړاندیز شوی چې هر مصري تبعه ته به په راشن کارت کې 50 چرګان ورکړل شي.
سلام۔دچرګانو پښې او سر خوړل فکر کوم حرام یا مکروه وي۔
همدې رذيل نمکحرام سيسي که پر شهيد مرسي کودتا نه کولای ۔۔ان د سعودي اربونو ډالرو او د اوس نړیوال فنډ قرض هم دوی د چرګانو پښو خوړلو ته هغه هم قيمته ته نه اړکول۔
عيياش اعراب!!
لیری نه ده چی مصری قبطیان او سلفیان او سکولران او لیبرالیسټان او کمونسټان او د استعمار او امپریالیزم نور مزدوران به د مظلومو اخوانیانو د ځپلو د جرم له وجی ديته اړ سی چی د چرګ پښی څه چی حتی د چرګ مشوکی به هم وخوری.