تاند:( جمعه، د جدي ۲۳) د طالبانو د حاکمې ادارې ځټولګټو وزارت د یوې خبرپاڼې په خپرولو سره ویلي، چې سالنګ کې هوا ډیره سړه او سانتي ګراډ تر منفي ٣٢ درجو پورې ښکته شوی.
ياد وزارت له ټولو مسافرو څخه غوښتي، چې د دغه وزارت تر بیا خبرتیا پورې دې پر دغه لویه لاره له تګ راتګ څخه ډډه وکړي.
اوړمه ورځ طالبانو په سالنګ کې د يو شمېر ایراني انجينرانو په ګډون د لسګونه واورو کې ايسارو افغانانو د ژغورنې خبر ورکړی و.
د افغانستان په مختلفو سيمو کې د سړو د سختې څپې له امله ښوونځي هم په موقت ډول رخصت او چارواکو د عاجلو اماده ګيو خبر ورکړی.