تاند:( چار شنبه، د جدي ۲۱) د طالبانو د فواید عامې وزارت چارواکو په سالنګونو کې د لسګونو هغو کسانو د ژغورلو خبر ورکړی، چې نن سهار وخته په واورو کې ايسار شوي وو.
د طالب چارواکو په وینا دغه کسان د سالنګونو د ساتنې لپاره د دوی د رياست کارکوونکو ژغورلي.
سرچینې په دقیق ډول د ژغورل شویو کسانو شمېر نه دی ښودلی، خو د ځینو ویډیو ګانې ېې خپرې کړي، چې له طالبانو څخه د دوی د ژغورلو له امله مننه کوي.
د سالنګونو لویه لاره نن د سختو واورو له امله وتړل شوه.
د طالبانو ورته چارې د خلکو له ستاینې او هرکلي سره مخ کیږي.