تاند:( يکشنبه، د جدي ۱۸) د کابل پوهنتون مخکینی او جلا وطنه استاد فیض الله جلال وايي، چې په افغانستان کې د فېډرالي نظام د رامنځته کیدو غوښتنه د پاکستان او ايران هيله ده، چې د خپلو لاسپوڅو په خوله یې مطرح کوي.
نوموړي په یوه ټلویزیوني مرکه کې پر دې ټکي له ټینګار سره، چې پاکستان او ايران دواړه د طالبانو د حاکم رژیم په نه دوام ډاډه دي، زياته کړه چې دغه هېوادونه د اوسني رژيم له بدلون وروسته د فيدرالي نظام په چوکاټ کې د افغانستان پر يو شمېر سيمو د طالبانو او خپلو نورو نفوذي ډلو د حاکمیدو هيله لري.
فیض الله جلال زياتوي، چې د غير پښتنو قومونو له لوري د مقتدر مرکزي نظام د لرلو مخالفت يو بې ځايه تبليغ دی، چې ځينې ډلې او څېرې یې کوي.
د استاد جلال په وينا، دی د يو غير پښتون په توګه افغانستان ته مقتدر مرکزي نظام غواړي، خو د عدالت ټینګار پکې لري.
د سياست او حقوقو دا مطرح افغان استاد له مقتدر رياستي نظام پرته د سياسي نظامونو نورې بڼې د افغانستان د تجزيې او تباهۍ په مانا بولي او وايي، چې خلک هم د اوسني رژيم له بدلون او قانوني نظام جوړولو سره له رياستي پرته د سياسي نظامونو نورې بڼې نه مني.
دا په داسې حال کې ده، چې له څه مودې راهيسې يو شمېر پخواني سياستوال په افغانستان کې د نظام د بڼې د بدلون غوښتنه کوي.
اوس ټولو ته معلومه شوه چی ایران لاسپوڅی په رسانیو کی د افغان له کلمی یا افغانانو د کلمی پر ځای افغانستانی کله کاروی چی بیا پخپله دوی په طالبانو تور لګولو چی د پاکستانو لاسپوڅی دی مګر هم مهاله کله چی طالبان راغلل همدا سیاسیون بیا د پاکستانی طیارو له لاری پاکستان ته انتقال شول ځکه همدا د یونس قانونی، پدرام، دوستم او نور داسی سیاسیون د پاکستان او ایران نږدی کسان دی چی له نورو یی زیات پاکستان د افغانستان د خاوری دښمنان ګڼل خو دوی اصلی د همدی هیوادونو او امریکا ، برتانیی ، روسیی او فرانسی نږدی کسان وو