تاند:( يکشنبه، د جدي ۱۸) د بدخشان لپاره د طالبانو ځايي چارواکو ويلي، چې د سرو زرو په يوه کان کې بند پاتې دوه کان کېندونکي يې ژغورلي.
د بدخشان لپاره د طالبانو د اطلاعاتو او فرهنګ رييس معزالدین احمدي وايي دغه کسان د ياوان ولسوالۍ د خير آباد کلي د سرو زرو کان کې دوه بند پاتې وو.
سرچینه زیاتوي، چې دغه کان کېندونکي د ژغورنې ټيم له پرلپسې ٦۱ ساعته هڅو وروسته ژوندي وژغورل شول.
په دې اړه خپاره شوي عکسونه څرګندوي، چې طالبانو د یادو کسانو د ژغورنې لپاره له هوايي ځواک څخه هم کار اخيستی.
يو شمېر خلکو د طالبانو دغه کار ستایلی.