تاند:( پنجشنبه، د جدي پینځلسمه) د افغانستان د سوداګرۍ خونې مسوولينو په يوه خبري غونډه کې د پاکستان له لوري پر افغان سوداګرو د وروستیو زیاتو شويو قيوداتو او فشارونو په غبرګون کې خبري غونډه بللې وه.
دوی پر افغان مالونو د ترانزیتي تغارفې زیاتوالی د نړیوالو سوداګريزو اصولو خلاف وباله او غوښتنه ېې وکړه، چې د طالبانو اداره دې د دغو قیوداتو د نه ختمیدو په صورت کې پاکستان سره تجارتي اړیکې پرې کړي.
د افغانستان د سوداګرۍ خونې سرپرست يونس مومند وويل، چې پاکستان د کراچۍ بندر کې له افغان سوداګرو د تعارفې اخیستو حق نه لري.
مومند د طالبانو له ادارې وغوښتل، چې پاکستان سره د سوداګرو د ستونزو په حل مستقیمه مداخله وکړي.
د سوداګرۍ خونې يوه بل مقام خان جان الکوزي وويل، چې د افغانستان له مختلفو بندرونو د پاکستان يو ميليون ټنه ميوه له تجارتي ماليې پرته صادر شوي.
د طالبانو ادارې پر افغان مالونو د پاکستان د وروستیو اضافي ماليې په اړه څه نه دي ويلي.
افغان سوداګرو له دې امله د پراخو مالي زيانونو د ور اوښتو خبر ورکړی.
مومند صیب د طالب نه څه مه غواړه هغوی خو د پنجابي غلامان دي ښه داده چې موضوع د پاکستان سره خپله حل کړې کنه غلام یې درته مشکل جوړوي.