تاند:( پنجشنبه، د قوس اوولسمه) د طالبانو استخباراتو په کابل کې د دوی د يوه وژل شوي مشهور ملاتړي ملا شيخ رحيم الله حقاني د تورنو وژونکو د نیولو خبر ورکړی.
د طالبانو د استخباراتو په يوه اعلاميه کې راغلي ،چې دغه تورن کسان د دوی د ځانګړو ځواکونو د عملياتو په پايله کې نيول شوي دي.
سرچينې ويلي چې دغه ډله په يو شمېر نورو پېښو کې هم لاس لري.
شیخ رحیم الله د طالبانو له مشهورو ملایانو څخه و، چې د دوی ځانمرګو بريدګرو ته په روزنې ورکولو هم تورن و.
هغه څو مياشتې مخکې د يوه ځانمرګي برید پر مهال، چې مسوولیت یې داعش ډلې پر غاړه واخيست، ووژل شو.