تاند:(سې شنبه، د قوس پینځلسمه) د افغانستان د موسيقۍ د ملي انسټیټیوټ رييس ډاکټر احمد ناصر سرمست د موسیقۍ د نړیوالې شورا له لوري د موسيقۍ د حقونو د اتل جایزه وګټله.
یاده جایزه هغو سندرغاړو او د موسيقۍ پوهانو ته ورکول کېږي، چې د موسيقۍ د حقونو د تامين لپاره ېې هڅې پراخې او اغېزناکې وي.
ډاکټر سرمست د جمهوري نظام پر مهال په افغانستان کې د موسیقۍ ملي انسټیټیوټ رامنځته او پکې لسګونه زده کوونکي په مختلفو برخو کې وروزل.
هغه د طالبانو له بيا واکمنيدو سره، د یاد شوي انسټیټیوټ غړي له هېواده بهر وویستل او لا یې هم فعالیتونه دوام داره ساتلي دي.
د طالبانو ادارې پر موسیقۍ بندیز لګولی او ځینو هنرمندانو سره په ناوړه چلند هم تورن شوي، خو دوی د ناوړه چلند ادعاوې رد کړي دي.