تاند:(دوشنبه، د قوس اوومه) د بنګلدېش په کوربتوب د پنځو هیوادونو ترمنځ د سنوکر روانو سیالیو په دویمه ورځ دوو افغان ورزشکارانو صالح محمد محمدي او نادر روحاني خپلو سیالانو ته ماتې ورکړه.
د المپيک ملي کمېټې لپاره د طالبانو د حاکمې ادارې عمومي رئيس نظر محمد مطمئن وايي، چې د افغان لوبغاړو له ډلې صالح محمد محمدي بنګلدیشي او نیپالي سیالانو او نادر روحاني بیا خپل سریلانکایي سیال ته ماتې ورکړه.
نوموړي د يادو لوبغاړو لاسته راوړنې ستایلي او افغان ورزشي بهير ېې د پرمختګ پر لور روان بللی.
دا په داسې حال کې ده، چې له یو شمېر ولایتونو څخه د سنوکر لوبې له مرکزونو او لوبغاړو سره د طالبانو د ځينو ډلو د ناسم چلند راپورونه ورکړل شوي.