تاند:(شنبه، د قوس پینځمه) ننګرهار کې يو ماشوم د انسان تښتوونکو له منګولو ازاد کړای شو.
د ننګرهار لپاره د طالبانو د والي مطبوعاتي دفتر ويلي ،چې دغه ماشوم د خوږياڼو ولسوالۍ ارغچ سيمه کې د دوی د ځواکونو لخوا د انسان تښتوونکو له منګولو ازاد او د خپلې کورنۍ غړو ته وسپارل شو.
سرچينه وايي، چې د دې ماشوم د تښتونې په تړاو يې د انسان تښتوونکو درې کسيزه ډله نيولې چې« د شريعت له مخې» به ور سره چلند تر سره شي.
ويل شوي ،چې انسان تښتوونکو د ماشو له کورنۍ څخه د درې نيم سوه زره پاکستانۍ کالدارو غوښتنه کوله.