تاند:(دوشنبه ،د عقرب در ویشتمه) د زابل د شاه جوي ولسوالۍ په باره خېلو او د شهر صفا ولسوالۍ اسحاقزي مانده سيمه کې ۶۰ ماشومان په تورې ټوخلې ناروغۍ اخته شوي دي.
د یاد ولایت عامې روغتیا ریاست ویلي چې سیمې ته روغتیا پالان رسېدلي او د ناروغانو درملنه یې پیل کړې ده.
ځايي چارواکو په دې اړه نور جزییات نه دي ورکړي.
د ژمي له رارسيدو سره نړيوال مرستندويان او څارونکي په افغانستان کې د بشري او اقتصادي ناورين تر څنګ د روغتيايي ناورین د رامنځته کیدو وېره هم لري.
د دوی په وينا، اقتصادي او بشري ناورين د نورو ستونزو تر څنګ په ساړه ژمي کې د افغانانو او خاص ډول ماشومانو ژوند ګواښي او اړتيا ده چې عاجلې روغتیايي مرستې هم افغانانو ته ورسول شي.