تاند:(پنجشنبه ،د عقرب نولسمه) په داسې حال کې، چې طالبانو پرون حتا د قدم وهلو لپاره د کابل پارکونو ته د ښځينه وو ورتګ منع کړی او ورځ تر بلې د ښځو خلاف نور قيودات په زياتيدو دي، د طالبانو د اقتصاد وزارت مرستيال ډاکټر لطيف نظري په خپل شخصي پوهنتون (غرجستان) کې د پاکستان د ملي شاعر اقبال لاهوري ورځ د لسګونه نجونو په ګډون نمانځلې ده.
لطیف نظري په خپله ټویټر پاڼه لیکلي، چې په دې نمانځونډه کې ېې د اقبال لاهوري د ایډیال دولت په اړه محصلینو ته لیکچړ ورکړی.
يوې باخبره سرچينې تاند ته وويل، چې ياده غونډه( د پاکستان – افغانستان د ځوانانو ټولنې) له لوري جوړه شوې وه.
سرچينه زياتوي، چې دغه ټولنه د پاکستان د استخباراتو له لوري تمويلېږي او اصلي هدف ېې د فرهنګي او رسنیزو فعالیتونو له لارې په افغانستان کې د پاکستان استخباراتي اهدافو ته کار کول دي.
د تاند باوري سرچينو ويلي، چې د اقبال لاهوري د ياد غونډې په اړه د يادې ټولنې استازو د غرجستان پوهنتون مالک او د طالبانو د اقتصاد وزارت مرستيال ډاکټر لطيف نظري سره لا له وړاندې لیدلي او د غونډې د جوړولو په اړه ېې د خپلو مشترکو پاکستاني چینلونو پیغام ورسره شریک کړی دی.
لطیف نظري د طالبانو په حاکمه اداره کې د هزاره ګانو تر ټولو مهم مقام دی.
جاسوس بیرغ نلری، اقبال ته خو پاکستانی ملایانو کافر بللو ، او هغه هزاره هم نوو ،