تاند:(دوشنبه ،د عقرب شپاړسمه) د ایران حکومت د دغه هېواد پر شاه چراغ زيارت د داعش ډلې د تر سره شوي برید تر شا له افغانستان څخه د ملاتړ ادعا کړې ده.
دغه هېواد د برید په تور د یو شمېر افغانانو، په ګډون د ۲۶ آذربايجاني او تاجیکستاني اتباعو د نیولو خبر هم ورکړی.
په ياد شوي برید کې، چې د عقرب په څلورمه تر سره شو، د ۱۵ تنو د وژل کیدو او ۲۰ نورو د ټپي کیدو خبر ورکړل شوی.
د دغه برید مسوولیت داعش ډلې پر غاړه اخیستی.
په افغانستان کې د طالبانو حاکمې ادارې په دې اړه څه نه دي ويلي.
ایران په افغانستان کې د طالبانو له بیرته واکمنيدو له مهمو ملاتړو هېوادونو هېوادونو څخه و، خو له واکمنيدو وروسته ېې د طالبانو د نورو ورته ملاتړو سیمه ییزو هېوادونو په شان افغانستان له خاورې د ترهګرو د ګواښونو د ور پېښیدو شکایتونه کوي.
د طالبانو اداره بيا-بیا ټینګار کړی، چې د افغانستان خاوره به د هیڅ کوم هېواد خلاف ونه کارول شي.