تاند:(یکشنبه ،د عقرب پینځلسمه) د تخار لپاره د طالبانو د حاکمې ادارې ځايي چارواکو په دغه ولایت کې د سرو زرو د کانونو په ناقانونه استخراج او زرشويۍ بندیز لګولی.
د تخار لپاره د طالبانو مرستيال والي محمد کاظم ويلي، چې د دې پریکړې سرغړونکو سره به قانوني چلند وکړي.
ځايي چارواکي باور لري، چې په مرکز تالقان ښار کې د زرشويۍ په نوم د سرو زرو د موندلو لپاره د غرونو په شاوخوا کې ناقانونه هڅې د سېلابونو د راوتو سبب ګرځي.
د زرشويۍ په نوم د رزق ګټلو دغه هڅې په تخار کې نیږدې ۵۰ کلنه سابقه لري.
کاروبارونو ېې شکایت کړی، چې پر کار ېې بندیز به د اقتصادي او بشري ناورين په اوج کې د دوی د وزګارتیا سبب شي.
له دې سره، راپورونه ښيي چې په چاپ آب ولسوالۍ کې د سروزرو د يوه نړيدلي کان پینځه مړو شویو کیندونکو هم په ورته ناقانونه توګه یو کان کینده، چې کان پرې نسکور او مړه شول.