تاند:(دوشنبه ،د عقرب نهمه) د بدخشان پوهنتون له ښځینه محصلینو سره د طالبانو د ځواکونو پروني تاوتریخجن چلند د خلکو توند غبرګونونه پارولي.
په ټولنیزو رسنیو کې د ياد شوي پوهنتون له مخې خپرې شوې ویډیو ګانې او عکسونه څرګندوي، چې د طالبانو امنيتي ځواکونو پرون د پوهنتون ښځينه محصلانې پوهنتون ته نه دي پريښي او وهلي ټکولي یې دي.
د پخواني ولسمشر حامد کرزي د دفتر رییس عبدالکریم خرم د یوې اړوندې ویډیو له شریکولو سره په خپله ټویټر پاڼه لیکلي:« د افغاني کلتور په پلمه د نجونو مکتبونه تړل کیږي خو د افغاني کلتور خلاف په نجونو لاس پورته کیږي، وهل کیږي او سپکاوی ورته کیږي.»
د کندهار يوه بهر مېشتي خبريال مامون دراني بيا د ټولنيزو رسنيو د نورو فعالانو په حواله لیکلي:«ځینو د ټولنیزو رسنیو کارونکو د طالبانو دا کړنه او هغه ترانه په ټکر کې بللې، چي ویلي یې دي :
څه عجب غرور لري دا وطن دا وطن
هر زلمي باتور لري دا وطن دا وطن»
د بدخشان پوهنتون يو شمېر ښځينه محصلينو ادعا کړې، چې طالبانو یې د حجاب مخالفت کړی او ورته ویلي چې پوهنتون ته باید له چادرۍ سره ورشي.
طالبانو په دې اړه څه نه دي ويلي.
د ښځینه محصلینو او معترضینو پر وړاندې مخکې هم په مختلفو ولايتونو کې د طالبانو د ناوړه چلند ادعاوې شوي، خو طالب وياندويانو داسې ادعاوې بې بنسټه ګڼلي دي.
د افغانستان هر وګړی باید پدی وپوهیږی چی تالب د پښتونولۍ او غیرت ستر دښمن دی.
پښتانه باید دا خبره درک کړی چی د تالب ټولی کړنی د افغانستلن نه د پښتونولۍ او ننګ او غیرت جنازه اوباسی.
تالبی ملایایانو د حقانی مدرسو او نورو دا ډول د ای ایس ايی په استخباراتی مرکزونو کی هغه کارونه تر سره کړی چی ددې بی پتو او پستو نه د غیرت کار هیڅکله نشی کیدلی.
ځنی لوده ګان پښتانه بیا هم ددې پستو او بی پښتو جاهلانو او وحشی ځناورو ملاتړ کوۍ چی ډیره د افسوس خبره ده.