تاند:(جمعه ،د ميزان ۲۹مه) د بادغیس د مقر ولسوالۍ په خارستان سیمه کې پخوانیو ناچاوده توکو د چاودنې له امله درې نجونې وژل شوې دي.
ځينو رسنيو دغه نجونې بېوزله او کباړ ټولونکې بللي، خو د طالبانو تر کنټرول لاندې باختر خبري اژانس ویلي چې پر دغو نجونو د لوبو پر وخت چاودنه شوې ده.
باختر اژانس له ناچاوده توکیو څخه د هېواد پاکول د طالبانو د حاکمې ادارې يو مهم لومړيتوب یاد کړی.
مخکې په نورو سيمو کې هم د ورته چاودنو پر مهال د ماشومانو د مرګ ژوبلې خبر ورکړل شوی و.