جمعه, جون 14, 2024
Homeخبرونهايران: تېر کال تر یو نیم میلیونه زيات افغان کډوال زموږ خاورې...

ايران: تېر کال تر یو نیم میلیونه زيات افغان کډوال زموږ خاورې ته راغلي

تاند:(چار شنبه ،د ميزان ۲۷مه)‏‌ د ایران د بهرنیو چارو وزیر امیرعبداللهیان وايي، چې په افغانستان کې د طالبانو له بیرته واکمنيدو سره څه باندې يو نيم ميليون تازه افغان کډوال ایران ته تللي.

د هغه په وينا، له دې سره په ایران کې د ټولو افغان کډوالو شمېر له څه باندې څلور نیم میلیونو څخه واوښت.

 ‌

د ایران د بهرنیو چارو وزیر دا څرګندونې په داسې حال کې دي، چې ايران په پرله پسې ډول له افغان کډوالو سره په ناوړه چلند او ورته په هېواد کې ېې د امنيتي ګواښونو له موجوديت سره د هغوی په بیرته ستنولو تورنیږي.

ایراني چارواکو او دغه راز د طالبانو حاکمې ادارې په ايران کې افغان کډوالو سره د ناوړه چلند په تړاو څه نه دي ويلي.

د طالبانو د بهرنيو چارو وزير مولوي امیرخان متقي څه موده مخکې ادعا وکړه، چې هیڅ افغان دوی سره د سیاسي ستونزو له امله هېواد پريښودو ته نه دی اړ شوی.

LEAVE A REPLY

Please enter your comment!
Please enter your name here

- Advertisment -

ادب