تاند:(چار شنبه ،د ميزان ۲۷مه) د افغانستان د مشهور طالب ضد قومندان جنرال عبدالرازق د څلورم تلين له پوره کیدو سره پرون د افغانستان يو زيات شمېر مطرحو پخوانيو سياستوالو د نوموړي د درناوي په مناسبت د زوم په یوه انلاين غونډه کې برخه واخيسته.
په دې غونډه کې حنیف اتمر، يونس قانوني، عطا محمد نور، محمد محقق، فيض الله ذکي او د مختلفو قومونو او مطرحو سياسي جریانونو استازو ګډون کړی و.
د رحمت الله نبیل په ګډون يو ډېر شمېر نورو سياستوالو بيا د پیغامونو په خپرولو جنرال رازق د افغانستان يو قهرمان او زړور ساتونکی بللی.
د طالبانو يو شمېر مخالفانو د جنرال رازق په ویر د افغانستان د مختلفو سيمو د مطرحو څېرو را ټولیدل د قومي تفرقو د ننګولو لپاره ګټوره وګڼله او ويې ويل، چې افغانستان په قومي اختلافاتو نه، بلکې په طالب او غیر طالب په شان فکري اختلافاتو وېشل شوی.
له دې سره، طالبانو د خپلو ځانمرګو بريدګرو د ياد تازه کولو ټویټري کمپاين پيل کړی او جنرال رازق د وژونکي ابو دوجانه په ګډون یې د خپلو ځانمرګو د درناوي لپاره د« فدايانو» په نوم ټویټري کمپاين پيل کړی.
د طالبانو د دغه کمپاين په غبرګون کې د دوی مخالفانو خلاف د بل کمپاين له پیلولو سره له ټویټر کمپنۍ غوښتي، څو د طالبانو اکونټونه د تروريزم خپرولو له کبله وتړي.
د جنرال عبدالرازق او د هغوی د ملګرو ارواوې د خوشحاله ، جنتونه د ځای شي . شهید جنرال د افغانستان یو زړور او نومیالی جنرال وو چې تل ئې د تروریستانو ، انسان وژونکو ، خاینانو او د پنجاب په لاس روزل شویو جاسوسانو په مقابل کې په زړورتیا سره له خپلو خلکو او د هېواد له ولېشت ، ولېشت نه دفاع وکړه .
د هغه د وژونکي او د نورو تروریستانو او وطنفروشانو د ابدي دوزخ ځای وي .