تاند:(دوشنبه ،د ميزان ۲۵مه) په ننګرهار کې په اتيا هکتاره ځمکه د بيرو ځنګل د کولو چارې پيل شوې.
د ننګرهار کرنې رياست طالب مرستيال قاري فضل الرحمٰن وايي د کوز کونړ ولسوالۍ اړوند د شګې سيمې په اتيا هکتاره غونډيو د بيرې ځنګل د کرلو چارې پيل شوې.
نوموړي د يادې پروژې څارنې پر مهال وويل، چې دا ځنګل د WFP په مالي لګښت او د SARCDO موسسې په تخنيکي همکارۍ جوړيږي.
قاري فضل الرحمن زیاتوي:«د دې ځنګل په جوړيدو سره به د شاتو مچيو روزونکو ته د مچيو تغذيې په موخه اسانتياوې رامنځته او ګاونډيو هېوادونو ته به د مچيو لېږدونې مخنيوی وشي.»
ځايي خلکو د دې پروژې هرکلی کړی او غوښتنه يې کړې،چې طالبان دې نړیوالو سره ژر تعامل وکړي، څو داسې مهمی پروژی تمویل او افغانستان له دې امکاناتو نور محروم پاتې نه شي.