تاند:(شنبه ،د ميزان ۲۳مه) د طالبانو د حاکمې ادارې وياند ذبيح الله مجاهد، چې د علماوو په يوه غونډه کې د ګډون لپاره ترکیې ته تللی، ادعا کړې چې د پرزول شوي جمهوري نظام پر مهال ۷۰ سلنه افغانان د زده کړو له امکاناتو څخه محروم وو.
نوموړي د خپلې دغې ادعا په اړه توضیحات نه دي ورکړي.
هغه په ورته وخت کې د نجونو د تړل شويو ښوونځيو د بيرته پرانيستلو ډاډ ورکړی او ویلي، چې په دې اړه دوی پر لازمو تدابيرو کار کوي.
د نجونو او هلکانو جلا ټولګي، نجونو زده کوونکو ته د ټرانسپورتي اسانتياوو برابرول او د تعليمي نصاب بيا کتنه د طالبانو وياند په دې برخه کې اصلي موارد ښودلي.
دا په داسې حال کې ده، چې د جمهوري نظام پر مهال هم د نجونو او هلکانو نه يوازې ټولګي، چې ښوونځي هم سره جلا وو.
د طالبانو وياند په داسې مهال د ترکيې د علماوو کنفرانس ته ورغلی، چې د طالبانو له محدودو مشرانو پرته نور څوک يې په بهرنيو سفرونو ډېر نه ځي او منتقدین ېې دليل د دوی په ليکو کې د ښو ويناوالو او مذاکره چيانو کمی ګڼي.
د ارګ ددروغو تریشل زیبولا مجاهل!
مخکی هم تاسو په مکتبونو خرمرګی کول او دافغانستان د ښیرازۍ او د افغانانو دښمنان وۍ او اوس هم تاسو د افغانستان د نیم نفوس په مخ د تعلیم او روزګار دروازی تړلی.
الله تعالی دی تاسو منافیقین او د هیرامنډۍ مړوسیان او نوکران ذلیل او رسوا کړی او الله تعالی مو د ځمکی له مخ نابود کړه چی دا خوار اوزار ملت ستاسو له شره په امن شی. امین