تاند(سې شنبه، د میزان ۱۰ مه) د ننګرهار ولایت په مرکز جلال اباد ښار کې د ټیڅو ناکامورا پارک او کانال د جوړېدو چارې بشپړې او په یو لړ مراسمو کې پرانیستل شوې.
طالب چارواکي وايي چې په جلال اباد ښار کې د پیڅو ناکامورا پارک، څلی او د بهسودو پُل ته څېرمه د ناکامورا کانال په پاتې کار یې پنځه نیم میلیون افغانۍ لګښت راغلی چې د جلال اباد ښاروالۍ له بودجې ورکړل شوي دي.
ټیڅو ناکامورا، چې افغانانو کاکا مراد باله، خپل ژوند د افغانانو د ژوند
ښېګڼې ته ځانګړی کړی و او په همدې لاره کې یې له لاسه ورکړ. نوموړی په ۱۳۹۸ لمریز کال په یوه برید کې ووژل شو خو د برید مسوولیت یې چا پر غاړه وانخیست.
د ډیرو افغانانو په باور کاکا مراد د پاکستان د استخباراتي ادارې له لوري ووژل شو ځکه چې نوموړي د افغانستان اوبه کنټرولولې او بندونه یې جوړول.
د ده له لوري جوړ شوي بنسټ په ننګرهار ولایت کې د اوبو رسولو په برخه کې ګڼې پروژې اجرا کړي چې له کبله یې ډیرې شاړې مځکې خروبې او ابادې شوې دي.
داسی عقیده چه نه نیک عمل په خدای وپلوری نه یی پر مخلوق ، د مظلومانو لاس نیول د لیوانو منز کی، هغه ته وایی ناکامورا
مننه د افغانستان له اسلامی امارت سخه چی د سپیسلو انسانانو په قدر پوهیگی او درناوی یی کوی !
جزاک الله خیر فی دارین