تاند:(دوشنبه ،د ميزان ۱۱مه) د طالبانو د حاکمې ادارې د لوړو زده کړو وزارت وايي، د کابل پوهنتون لیلیه کې محصلانې دوی نه وې مسمومې کړې.
دغه وزارت په یوه اعلامیه کې ویلي،چې د یادو محصلینو د مسمومېدو خبر ناسم دی او وړمه شپه یې خوراک کې بې احتیاطي شوې وه.
یاد وزارت زیاتوي، د بې احتیاطۍ له کبله ۵۰ محصلین ناروغان شوي وو چې پر وخت یې درملنه شوې ده.
سرچینې په دې اړه نور جزییات نه دي ورکړي.
د طالبانو مخالفانو ادعا کړې وه چې طالبانود هرات پوهنتون له محصلانو سره بد چلند کړی او داسې تصویرونه یې خپاره کړي وو چې څو تنه طالبانو د وسلو خولې د نجونو محصلانو خوا ته نیولي دي خو وروسته څرګنده شوه چې تصویرونه جعلي جوړ شوي دي.
پرون د کابل پوهنتون ځینو سرچینو طالبان تورن کړل چې د کابل د وروستي ځانمرګي برید پر ضد د ښځینه محصلینو د پلان شوي لاريون د مخنيوي لپاره ېې ښځينه محصلينو ته په ډوډۍ کې مسمونکي مواد اچولي وو.
زه د مذهبی لېونیانو پلوي نه کوم ! خو دا منطق خر هم نه مني داسې پروپاګندې قومي بڼه لري چې سر چینه یې له ستمیانو څخه اخیستل کیږي !