تاند- له نن څخه 25 کاله پخوا د ۲۰۰۱ م کال د اکتوبر په ۷ مه امریکا او متحدانو یې په افغانستان کې د طالبانو پر رژیم بمبارۍ پیل کړې.
امريکا دا بریدونه د سپتمبر د يوولسمې د بريدونو په غچ کې په افغانستان کې د القاعدې پټنځايونو د له منځه وړلو په هدف پيل کړل.
پر امريکا د سپتمبر د ۱۱ له بريدونو وروسته د دغه هېواد د هغه مهال ولسمشر جورج ډبلیو بوش طالبانو ته خبرداری ورکړ چې اسامه بن لادن وروسپاري او د القاعدې روزنځایونه له منځه یوسي، که نه نو جګړې ته دې ملا وتړي.
طالبانو دغه غوښتنې رد کړې او د امريکا پر وړاندې يې ننګوونکی دريځ خپل کړ.
د ۲۰۰۱ کال د اکتوبر پر ۷ مه د امريکا ولسمشر جورج بوش پر افغانستان د بريدونو د پيل اعلان وکړ.
له درنو بمباريو او د امريکا په مرسته د شمالي ټلوالې له مځکنيو جګړو وروسته د طالبانو نظام د ۲۰۰۱ کال د دسمبر په لومړۍ اوونۍ ورپرزېد.
خو امریکا د ۲۰۲۱ اګست په وروستیو کې خپل شل کلن حضور په افغانستان کې پای ته ورساوه هماغه طالبان چې د دوی د بریدونو په سبب یې رژیم نړېدلی وو بېرته پر افغانستان واکمن شول.
دا عنوان غلط دی.
په دې ورځ د امریکا په مشرۍ ناټو ټولوالې پر افغانستان یرغل وکړ.