تاند:( سې شنبه،د سنبلې ۲۹مه) د پاکستان د بهرنيو چارو وزير بلاول بوټو زرداري د افغانستان لپاره د امريکا متحده ايالاتو له ځانګړي استازي ټام ويسټ سره په لیدنه کې د افغانستان په اړه خبرې کړي.
نوموړي ویلي،چې په افغانستان کې د سولې او ثبات د ټینګښت لپاره طالبانو سره تعامل ضرور دی.
پاکستاني وزیر ادعا کړې،چې سوله ییز،باثباته او سوکاله افغانستان ېې د هېواد لومړیتوب دی.
پاکستاني وزیر په مختلفو بڼو دغه هدف ته د رسېدو لپاره د خپلو هلو ځلو ادعا هم کړې ده.
نوموړي په را روان ژمي کې د افغانستان د بشري ناورين د شدت په اړه انديښنه څرګنده کړې او ویلي،چې دا سناریو به د ډله ییزو مهاجرتونو او دغو مهاجرتونو څخه د ترهګرو ډلو او افراطیانو د استفادې زمینه برابره کړي.
معلومه نه ده،چې امريکايي استازي په دې لیدنه کې د يادو مسايلو په اړه څه ويلي.
د پاکستان افغان منتقدین دغه هېواد تورنوي،چې افغانانو سره د خواخوږۍ له تن تمثيل سره په همدې بشري ناورين کې هم افغانان له خوږې ګوتې نيسي، د ډبرو سکاره ېې په وړيا بيه رانيسي، خپله ويزه پرې په زرګونه ډالره پلوري او حتا د تداوۍ لپاره ورغلو افغان ښځينه وو سره ناوړه چلند کوي.
سمرقند کې د شانگهای همکاریو سازمان د سرمشریزې په څنډه کې ویل کیږي، د روسیې ولسمشر ولادیمیر پوتین د پاکستان صدراعظم شهباز شریف ته په ډاگه کړې چې د اسلامي امارت په اړه د اسلام اباد د سیاست څرنگوالی مسکو ته ډیر مهم دی.
روسیه فکر کوی، امریکا او پاکستان د طالبانو په تضعیفولو سره داعش ډله پیاوړی کوی
شنونکي وایي، د پاکستان لخوا امریکایي بې پیلوټه الوتکو ته لار ورکول او پر طالبانو او ظواهري عملیات د داعش د لیکو د پیاوړتیا باعث گرځي او دا کار د مسکو تشویش راپاروي.
د امریکایي شنونکو په وینا روسیه باور لري چې د پاکستان د ISI اداره په کابل کې د روسیې پر سفارت د داعش ډلې له بریده هم خبره وه خو مسکو ته یې اطلاع نه وه ورکړې.
کابل نیوز