تاند:( سې شنبه،د سنبلې ۲۹مه) د طالبانو کورنيو چارو وزارت اعلان کړی،چې د ډبرو سکرو تدارکات ېې د نوبهار افضلي په نوم یوې کمپنۍ ته ورکړی.
سرچينه زياتوي،چې د يادې کمپنۍ مشره یوه ښځینه سوداګره ده.
د طالبانو کورنيو چارو وزارت وايي،چې د سوداګرې مېرمنې کمپنۍ په ازاد رقابت کې ياده تدارکاتي پروژه ګټلې ده.
يو شمير خلکو د طالبانو د دغه اعلان هرکلی کړی او د دوی د نرمښت څرک ېې ګڼلی.
د طالبانو د کورنیو چارو وزیر مولوي سراج الدين حقاني دی.
ځينې سرچينې ادعا کوي،چې ښاغلی حقاني او په ټوله کې د ده په مشرۍ د لويې پکتيا طالبان د پخواني جنګي شدت باوجود اوس نرم دریځه دي او د ښځو د حقونو د ورکړې تر څنګ د ټول شموله حکومت او نړيوالو سره د تعامل طرفداري کوي.