د کمپیوټرپوهنې سترې جایزې

کتاب: سیاست، ټولنه او کمپیوټرپوهنه

لیکوال: هیري هنډرسن

ژباړه: رحمت شاه فراز

څلور دېرشمه برخه

د کمپیوټرپوهنې سترې جایزې

په دې ځای کې د کمپیوټر پوهنې او ټکنالوژۍ په ډګر کې څو سترو جایزو ته کتنه شوې.

د کمپیوټري ماشینرۍ ټولنه (ACM)

۱- د اې سي ایم ټیورنګ جایزه

د اې سي ایم ټیورینګ جایزه «هغه چاته ورکول کېږي چې د کمپیوټرپوهنې په ډګر کې د تخنیکي نوعیت لاسته راوړنو لپاره غوره شوی وي. د نوموړي لاسته راوړنې باید د کمپیوټرپوهنې په برخه کې اوږدمهاله او لوی تخنیکي اهمیت ولري.»

۲- د ایکرټ – ماؤکلي جایزه

دغه جایزه چې ACM او IEEE کمپیوټري ټولنه يې مشترک صلاحیت لري، «هغه چاته ورکول کېږي چې د کمپیوټر او ډیجیټل سیسټمونو د ارکیټکچر (ساختمان) په برخه کې يې خدمتونه ترسره کړي وي او اوسمهال د کمپیوټر ارکیټکچر مسلک په خپله لمنه کې د هارډویر-سافټویر مشترګ ډیزاین او د کمپیوټري او ډیجیټل سیسټمونو تحلیل او انالیز رانغاړي.»

۳- ګریس مري هوپر جایزه

د ACM اداره یاده جایزه «د کمپیوټرپوهنې په برخه کې د کال مخکښ مسلکي ته ورکول کېږي … چې د یوې نوې سترې تخنیکي یا خدماتي لاسته راوړنې په اساس غوره کېږي.»

د الکترونیکي پولې بنسټ (EFF)

۱- د سرلاري جایزه (Pioneer Award)

د EFF سازمان د «سرلاري جایزه» هغو سرلارو ته ورکوي چې «د علم، خپلواکۍ، مؤثریت او مفیدیت پراختیا ته يې کار کړی وي.»

IEEE کمپیوټري ټولنه

۱- د کمپیوټر سرلاري جایزه

د IEEE کمپیوټري ټولنه «د کمپیوټر د الکترونيکي ډګر په مفاهیمو او پرمختګونو کې د خدماتو لپاره دغه جایزه ورکوي، داسې خدمات چې د کمپیوټرپوهنې په برخه کې یې شته ټکنالوژۍ ته معلوم پرمختګ ورکړی وي.» یاده جایزه د یوې لاسته راوړنې تر انتخابېدو لږ تر لږه پنځلس کاله وروسته ورکول کېږي.

۲- د ټکنالوژۍ او نوښت ملي میډال

د ټکنالوژۍ او نوښت ملي میډال چې پخپله د امریکا د ولسمشر له خوا ورکول کېږي، «د امریکې سترو نوښتګرو وګړو ته د امریکا د ولسمشر له خوا ورکول کېدونکی تر ټولو لوړ ویاړ دی.»