تاند:( دوشنبه،د سنبلې يوويشتمه) د طالبانو خبري سرچېنې وايي،چې په افغانستان کې د ملګرو ملتو ښځینه کار کوونکې نه ده ځورول شوې.
د طالبانو د واکمنۍ د ویاند مرستیال بلال کریمي وايي چې په افغانستان کې دملګرو ملتو کومه ښځينه کارمنده نه ځورول شوې اونه هم توقیف شوې.
د نوموړي په خبره،په کندهار کې د ښځو له یوې تجمع څخه د امربالمعروف کارکونکومعلومات غوښتي، خو کله چې واضح شوې چې هلته د ملګرو ملتو اړوند ښځينه دې، بیرته منصرف شوي او هيڅ کومه ستونزه نه ده رامنځته شوې.
يوناما په يوه اعلاميه کې ويلي،چې کارکوونکو سره ېې د طالبانو ناوړه چلند د انديښنې وړ دی.
دغه سازمان له طالبانو غوښتي،چې په ټول افغانستان کې ېې د کارکوونکو د خوندي ګرځیدو راګرځیدو په اړه خپلې ژمنې عملي کړي.